A guide based on hyper-local market survey, research, expert’s opinion and tried & tested methods.
Aaj har vyakti aatmnirbhar hona chahta hai. Aur Bharat ko aatmnirbhar agar koi bana sakta hai to vo yahan ke local businesses. Isiliye har aatmnirbhar vyapaari ke lie Byloapp lekar aya hai yah basic guide, jo aapko apna hyper-local business shuru karne se lekar kese grahakon tak pohanch sakte hain, sabhi steps par madad karegi.
Hyper-local marketing ek bohat hi interesting subject hai jiske baare me koi baat nahi karta but jald hi yahi India me sabse bada business topic hoga.
Vocal for local Ke saath hyper-local business or marketing ka scope Bhaarat me nirantar badh raha hai.
Basic guidelines/steps for starting your hyper-local business
Isse pehle ki hum business ke iss vishaal samandar mein utrein, kuch baatein hain jo khayaal me leni bohat zaroori hain. Jisse aap ek acchi shuruaat kar sakein.
Hyper-local business bhi bade business karne jitna complex hai aur agar aap ise sahi tarike se nahi kar rahe hain to aapko ismein bohat si problems aa sakti hain.
To agar aap apna hyper local business shuru karne ja rahe hain aur jaanna chahte hain succesful hyper-local business kese kia jaye to in guidelines ko dhyan me zaroor rakhein.
- Apne Market ko Jaano/Know your local market- Local Market ko aap online nahi, galiyon me jaa kar hi jaan sakte hain. Isliye sabse pehla aur important step of starting your hyper-local business is know your market.
- Location – Ye bohat zaroori hai ki aap apna local business, area ko dhyaan mein rakh kar hi kholein. Aapke regular grahak aapke aas paas ke log hi honge islie pehle apne area ko acche tarike se jaan lein ki vahan par kis product ki regular demand ho sakti hai. Kahin yah na ho aap vegeterians ke beech non-veg hotel open kar lein.
- Aapke customers aur unka behaviour – Local business mein aapke hone vaale customers ko kareeb se jaan kar hi business kar sakte hain. Isliye vahan ke local logon se jaankari lein unki pasand na pasand ke baare mein. Aur jab aap ek nishkarsh par pohach jayein tab hi hyper-local business start karne ka sochein.
- Local Market Survey– Kyunki aap local business karne ja rahe hain islie apne local market ka survey karna bohat zaroori hai. Aapke competitors, suppliers aur milte julte businesses ki poori jaankari lein apne market survey se.
2. Business karne ka tarika rakhein Local
Yah baat yaad rakhein aap apna business local market ke aadhaar par hi rakhein, jisse aap apne local customers ke saath ek accha rishta bana sakein. Jitna zyada aap apne local customers ki pasand banenge utna hi aapka profit hoga.
- Product/service selection – Jab aap apna product ya service select karein to yah zaroor yaad rakhein ki vah aapke local market ke hisaab se hi ho.
Ese products or services jo aapke local grahak use karna zada pasand karte hain. Vah product or service aapke local market par hi depend karenge. - Store/Outlet ki Vyavastha – Yah zaroor dhyan dein ki aapke store ya outlet ki suvidhayein aur vyavsthaein aapke local customers ke preference ke according ho. Vahan aakar unhein apnapan mehsoos ho aur jisse vo ek behtar tarike se khud ko jod sakein.
- Hamesha Kuch Naya karte rahein – Apne customers ko hamesha kuch naya dene ki koshish karein. Un cheezon par thoda zada dhyaan dein jo trend par hain. Local customers ko zadatar trending product or services pasand aati hain. Isliye aapke customers ke lie jo bhi trending hai uspar dhyan dein.
3. Eye-catching branding – Aapka business aapke hyper-local market mein sabse aage aur sabse hatkar dikhna chahie, aur isiliye yah bohat zaroori hai ki aap uski branding par dhyaan dein.
- Logo – Aapka business Logo hi aapki pehchaan hai, aur isiliye apne local business ke liye ek eye catching Logo rakhein. Apka business bhi aapke Logo ke aadhaar par hi jana jaata hai. Isliye apna logo kisi marketing expert se design karwayein.
Agar aap bhi expert’s dwaara bana hua Logo chaahte hain to ek baar Byloapp services par visit karein. - Use karein Local Language ka – “Jahan ka Business, Vahan ki Bhaasha”, ise zaroor yaad rakhein. Apne area ke logon se judne ka sabse behtar tarika hai unki hi bhasha mein baat karna. Zaroori nahi ki aap vahan ki poori bhasha hi seekhein, par apne business me jitna ho sake local language ka hi use karein.
- Banners & Posters in your locality – Aapke business ke banners or posters aapke business location se kam se kam 5km ke radius me available ho. Aur aapka har poster attractive ho aur jisme aapka Logo zaroor ho, jisse log aapke business ko pehchan sakein. Banners or posters bohat hi effective tarika hai local business promotion ka.
4. Documentation and Legalities – Local business karne ke lie bhi documentation bohat zaroori process hai. Aur islie aapko local business se jude documentation se aware hona bohat zaroori hai.
- Gumasta License – Gumasta license har ek local business ke liye bohat zaruri hai, agar aap bhi apna business shuru karne ja rahe hain to iss website se license le sakte hain- http://shramsewa.mp.gov.in/hi-in/
- Business specific License- Ek baar apne business se jude bhi licenses hain unki jaankari utha lein jisse future me aapko koi problem na face karni pade. For example- Agar aapka food & beverages ka business hai to aapke lie FSSAI certificate lena bohat zaruri hai.
- GST registration- Har Aatmnirbhar bhartiya businessman ke lie zaruri hai ki vo GST registration kare aur desh ke vikas me apna yogdaan de. Aur saath hi future me problems se bachne ke lie aapko GST registration karna bohat zaruri hai.
Iss link se aap online GST registration kara sakte hain – https://reg.gst.gov.in/registration/
Read Our guide of – How To do Marketing Of Hyper-local Businessif you already have a hyper-local business.
